یازاجاغام (فرزاد)

کمق(کموک تورکلری)

کموک تورکلری

یک شنبه 16 آذر 1393برچسب:,

من کتله لر شاعری یم انسان لاردان یازاجاغام ئولمه میشم تا دیری یم اصلان لاردان یازاجاغام. گؤن قورموش قارا آریق ایاقیندا کهنه چاریق داش باغلامیش یاریق-یاریق دابان لاردان یازاجاغام. یئری سؤکوب اکن لردن چؤلده زحمت چکن لردن آلین تری تؤکن لردن دهقان لاردان یازاجاغام .ایشلر آخار قانلی تری هیچ اؤزونه یوخ ثمری آچیلاندا سفره لری یاوان لاردان یازاجاغام. حزین گولمز دوداق لاردان ساری سولغون یاناق لاردان ایاق یالین اوشاق لاردان فغان لاردان یازاجاغام. قیاملاردان آزادلیقدان سعادتدن آبادلیقدان ایگیت لیکدن قوچاقلیقدان میدان لاردان یازاجاغام. بیچین بیچن ساغین ساغان کور اوغلو تک اوغول دوغان هجر کیمی دشمن بوغان جانان لاردان یازاجاغام. وطن دن اوبادان ائل دن بولوت دان یاغیش دان سئل دن من کوموک لی یم چنلی بئلدن دومان لاردان یازاجاغام.

ارسالی از آقا فرزاد

یک شنبه 16 آذر 1393برچسب:,

:: 6:11 :: نويسنده : گودرز غلامی

دونن آخشام یولوم دوشدو بازارا الوان میوه لره باخدیم گذرا
سوروشدوم قیمتین دوشدوم آزارا دئدیم کت لی اولدو قویون مزارا
قارپوز،اریک،اؤزوم،گیله نار،هلو یاشیل خیاری باشیندا گولو
باخدیم دوگو آلیر بیر فقیر باجی توکاندارا دئیر سن آللاه حاجی
باری گؤزله تله یین یوخسولو آجی اودادئیر باجی یوخدور علاجی
گئتدیم پارچا آلام بیر نئچه چره ک مترینه اون مین دئدی وئر گوره ک ‏
دئدیم من فهله یم دئدی به درک‎ ‎‏ دئدیم ائوده یوخدور نه یاغ نه چؤره ک .

شعری از فرزاد عزیز

چهار شنبه 12 شهريور 1393برچسب:شعری در وصف آذربایجان,

:: 23:44 :: نويسنده : گودرز غلامی

(شعری در وصف آذربایجان)

آذربایجان اوغلویام وار چوخلو افتخاریم
طوفان کیمی گؤجوم وار داغلار کیمی وقاریم
آت بئلینده دوغولدوم اوشاق اکن آنادان
دؤیوشلرده گئچیبدیر همیشه روزگاریم
من تاریخین قوجامان ان مبارز اوغلویام
هر یئرده حرمتیم وار هریاندا اعتباریم
منصور حلاجام من حاشا گئچم سؤزومدن
قانیم یازار اناالحق عرشه اوجالسا داریم
هئچ بیلمیرم نه دندیر دیلیم آچیلان گؤندن

آذربایجان کلمه سی اولوب دائیم شعاریم

ضرب المثل های ارسالی از فرزادخان

سه شنبه 4 شهريور 1393برچسب:ضرب المثل ترکی,

:: 7:29 :: نويسنده : گودرز غلامی

چند تا ضرب المثل که شاید بعضی ها فراموشش کردن:

آج آدامی قورد یئمز
آخوری آلچاق یئری یوموشاق
آزاجیق آشیم آغریماز باشیم
آیدان ایلدن بیر ناماز اونودا شیطان قویماز
پالازا بورون ائل ایله سورون
مئشه چاقال سیز اولماز
سن آغا من آغا اینک لری کیم ساغا

ایت هوره ر کروان گئچر . بیر سوبای اوغلان بیر میتیل یرقان.
دوز یئرده یئریه بیلمیر شوخوملوقدا شیللاق آتیر . دوه اویناسا قار یاغار
دوه چینن قوهوملوق ائلییه نین دروازه سی گن گرک.
ده ده م منه کور دییب هر گلنی ویر دییب.
ساخلا سامانی گلر زامانی .
سویون لام آخانی آدامین یئره باخانی.

ارسالی از آقای فیضی

جمعه 19 ارديبهشت 1393برچسب:شعر,

:: 1:8 :: نويسنده : گودرز غلامی

صبر ایله کونول,محنتی هیجرانه تلسمه
درداهلی یئتر,صبرایله درمانه تلسمه

کام آلمایاجاخ,آیری لغا باعث اولان لار
عاشیق یئته جک سوگیلی جانانه,تلسمه
کیم اولسا سبب آیری لغا,عمرو گوده لسین

بیرگون اولاریق یاریله همخانه تلسمه

یوسیف ده زولیخانی محبت له سویردی

سالدیردی زولیخا اوزو زندانه,تلسمه
دونیایه وفا ایلمه,چوخ آغلاما,کونلوم

دونیا نه وفا قیلدی سلیمانه,تلسمه

پروانه اگر یانسادا شمعین ستمینده

شمعین ده یاخار عمرونو پروانه تلسمه

گول ذوقونو چکمک ابدی خاره ده قالماز

بولبول,گله,البته گولوستانه,تلسمه
گوندن گونه آرتیر بو گوزل حوری لقالر

دونیا دونه جک جنت رضوانه تلسمه
واحید,ایچه جک سن,دئمه کی,توبه لر اولسون
جلب ایلیر آخیر سنی میخانه,تلسمه

علی آغا واحد

ارسالی از آقای فیضی

جمعه 19 ارديبهشت 1393برچسب:شعر,

:: 1:3 :: نويسنده : گودرز غلامی

گوزلرين آچ بير گئجه تا من گوروم ميخانه ني

دونياني ترك ايلييپ من دولدوروم پيمانه ني
بي وفا اولسا نيگاري بير كسين بيچاره دير

بولبولون حالين دوشونمز گول، دئمه افسانه ني

اوت توتار عشقين يولوندا جان ورر بيچاره شمع

اما عاشيق سويليرهر كيم گوره پروانه ني
قانلي كونلوم گوزليير يول تا سنه قوربان اولا
گل بو هيجراندان خراب ائتمه داها كاشانه ني
هر كونول الدن وره يارين او بير ويرانه دير
بير نظريار ائلسه آباد ائدر ويرانه ني

گر مني چكسن دارا اولدورسن الدن توتمارام
اولدور نده اوپ محبتدن دل ديوانه ني
عاشيقه بير گون دئديم ترك ائله او ياري ، دئدي
بيلميسن عشق آتشي له يانديريپ غمخانه ني؟
هاميني ترک ائلرم هر کيمسه واردير دونيادا

اما من ترك ائدمرم او ساقي دوردانه ني
سنده گل ترک ائله مسجيد تا گئدخ ميخانه يه

توبه ائد ،سن محرم اول اوپ ديلبر جانانه ني

سونرا گل با هم "وفا" جاندان اولاخ قوربان اون

آغلاياخ شايد اشيدسين گريه ي مستانه ني

ارسالی از فرزاد فیضی

یک شنبه 24 فروردين 1388برچسب:دلنوشته یک آذری,

:: 6:2 :: نويسنده : گودرز غلامی

گورنه وریب باش باشا کوموک کندین داغلاری گلین کیمی بزه نیب یاشیل دونلو باغلاری

کوموک کندی اوزاقدان اینا کیمی پاریلدار سرین سرین بولاقلار جوشار داشار شاریلدار

انسان لارا روح وره ر مشه لرده قوش سسی کوموک ده عمر اده نین نه غمی ؟ نه غصه سی؟